Logo Coruña Literaria

Luís Seoane

Luís SeoaneFillo de emigrantes, naceu en Bos Aires en 1910. Aos seis anos veu a Galiza instalándose na Coruña. Participou do ambiente das Irmandades, Nós e das Vangardas. Militou no Partido Galeguista. Pintor, deseñador, editor, gravador, escritor, promotor cultural, Luís Seoane é un dos artistas máis completos de Galiza. En 1936, exiliouse en Bos Aires onde desenvolveu unha intensa actividade cultural. Crea con Núñez Búa o semanario Galicia Libre, leva adiante a revista Galicia, funda varias coleccións, promove editoriais, como a Editorial Citania, Ediciones Botella al Mar, e dirixe a revista Galicia Emigrante. En 1952 publica o seu primeiro poemario Fardel de eisilado. Ademais de poesía escribiu narrativa, teatro e ensaio. Con Díaz Pardo, recuperou Sargadelos, fundou o Laboratorio de Formas e o Museo Galego de Arte Contemporánea Carlos Maside. Faleceu na Coruña en 1979 e os seus restos descansan no Cemiterio de Santo Amaro. A Real Academia Galega dedicoulle o Día das Letras Galegas do ano 1994.

Ver mapa máis grande

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies